MASHT

CERTIFIKOHEN 35 ZYRTARË TË MASHTI PAS TRAJNIMIT PËR PROKURIM PUBLIK NGA AMBASADA E BRITANISË NË KOSOVË

25 Mars, 2023

Ministrja e Arsimit, Shkencës, Teknologjisë dhe Inovacionit, Arbërie Nagavci ka ndarë certifikata për 35 zyrtarë të kësaj Ministrie pas trajnimit ‘Fuqizimi i Prokurimit Publik në Kosovë’, i financuar nga Ambasada Britanike, zbatuar nga DAI Global UK.

Fokusi i këtij trajnimi ka qenë bashkëpunimi i departamenteve të Ministrisë me Divizionin e Prokurimit, si dhe përgatitja e specifikave teknike.

Ministrja Arbërie Nagavci përgëzoi zyrtarët të cilët u certifikuan, si pjesë e zhvillimit të vazhdueshëm profesional të tyre, ndërsa shprehu besimin e saj se ky trajnim do t’iu shërbejë që në të ardhmen të ketë një prokurim të mirë-planifikuar, efikas, transparent dhe llogaridhënës.

Nagavci ka falënderuar Qeverinë e Britanisë për bashkëpunimin shumëvjeçarë në fushën e arsimit, ndërsa ka uruar që zyrtarët të zbatojnë suksesshëm njohuritë e fituara nga ky trajnim.

Jeffery Woodhames, përfaqësuesi i DAI Global UK tha se, prokurimi publik është tejet i rëndësishëm, andaj falënderoi MAShTI për bashkëpunimin në këtë fushë.

Last modified: 25 Mars, 2023

Comments are closed.