Ministri i Arsimit , Shkencës dhe Teknologjisë z Arsim Bajrami, priti në një takim lamtumirës znj . Dagmar Fuchs- Schmitz , udhëheqëse e GIZ-it për Kosovë dhe udhëheqësin e ri kësaj organizate qeveritare gjermane z. Boris Sharlovski .
Ministri Bajrami me këtë rast ka falënderuar znj . Dagmar për kontributin e çmuar në mbështetje të proceseve të arsimit si një eksperte e vyer dhe menaxhere e sukseshëme programit të GIZ-it , njëherësh theksoi se nga sot do të na mungojë një mike e madhe dhe bashkëpunëtore e mirë në proceset e mëtutjeshme .
Znj Dagmar gjithashtu ka falënderuar ministrin Bajrami për bashkëpunim të frytshëm në të mirë të zhvillimit të arsimit dhe të reformave të bazuara në Kurrikulën e re , ndërsa u shpreh se do të vazhdojë të përcjellë edhe nga larg zhvillimet e arsimit në Kosovë .
Ndërkaq udhëheqësi i ri i GIZ-it z Boris Sharlovski , ka falënderuar ministrin Bajrami për pritjen dhe kërkoi nga ai bashkëpunim të mirë me qëllim të vazhdimit të suksesshëm të reformave ne arsim, z. Sharllovski gjithashtu e njoftoi ministrin Bajrami se mediet gjermane po presin me interesim rezultatet e vlerësimit të PISA- s njëherësh uroi për pranimin e Kosovës në këtë vlerësim ndërkombëtar .
Ministri Bajrami i ka shprehur mirëseardhje udhëheqësit të ri të GIZ-it z Sharlovski duke i dëshiruar sukses në misionin e ri , njëherësh ofroi bashkëpunim të frytshëm në funksion të ngritjes së performancës së arsimit në Kosovë , posaçërisht në zhvillimin e arsimit dhe aftësimit profesional.
Ndërsa sa i përket vlerësimit të PISA-s , ministri Bajrami tha se “ po presim rezultatet e vlerësimit PISA, i cili sigurisht që do të jetë vlerësim reali i gjendjes së arsimit parauniversitar tek ne dhe do të punojmë që të përmirësojmë cilësinë në vazhdimësi dhe që në PISA -n 2018 të dalim me rezultate më të mira “ , tha ministri Bajrami .
Last modified: 29 Gusht, 2022
