Me pikëllim të thellë morëm lajmin se ka ndërruar jetë profesori, njëherit kontribuesi shumëvjeçar në fushën e arsimit në Republikën e Kosovës, Dr. Moshe Landsman.
Profesori Landsman kishte më shumë se dy dekada që e vizitonte Kosovën, duke ofruar një kontribut të gjerë, intensiv dhe të vazhdueshëm për arsimin, me theks të veçantë kontributin e tij në themelimin e Departamentit të Psikologjisë në Universitetin e Prishtinës, në vitin 2001.
Themelimi i Departamentit të Psikologjisë në periudhën e pasluftës në Kosovë, ishte ngjarje tepër e rëndësishme në aspektin e trajtimit të shëndetit mendor të qytetarëve dhe faktor jetik për zhvillimin e kuadrove profesionale, për ofrimin e shërbimeve në fushën e psikologjisë.
Profesori Landsman ka kontribouar edhe në përkrahjen e vazhdueshme të stafit profesional për ofrimin e shërbimeve për personat e prekur nga autizmi, ndërsa me angazhimin e tij të pandalshëm ka ngritur qendra që ofrojnë programe për shëndetin mendor dhe mbështetje kognitive, psikologjike dhe psikiatrike, në shërbim të njerëzve, të të gjitha moshave.
Në emër të MAShTI-t, shpreh ngushëllime të sinqerta për humbjen e njeriut i cili dha gjithçka për vendin tonë dhe me punën e tij mori rrugën e duhur një nga departamentet më të rëndësishme të arsimit! Pushoftë në paqe profesor Landsman!
Arbërie Nagavci, ministre e Arsimit, Shkencës, Teknologjisë dhe Inovacionit
![](https://scontent.ftia8-1.fna.fbcdn.net/v/t39.30808-6/422375908_763528732473162_650887139458625562_n.jpg?_nc_cat=111&ccb=1-7&_nc_sid=dd5e9f&_nc_ohc=D6k_JD-KIF8AX_c1i14&_nc_ht=scontent.ftia8-1.fna&oh=00_AfDOdWjpiA3BxtSKuALcc0-CptfcevcGFCTmKTX9OlOBmg&oe=65B57AB3)
![](https://scontent.ftia8-1.fna.fbcdn.net/v/t39.30808-6/422350223_763528775806491_2343644070885380913_n.jpg?_nc_cat=102&ccb=1-7&_nc_sid=dd5e9f&_nc_ohc=Y0-MVIKrF50AX8SBQRV&_nc_ht=scontent.ftia8-1.fna&oh=00_AfAousARZf4b662n0QirHxFaDVAbAIXVnORUXTLh7B3ysg&oe=65B6C82A)
Last modified: 29 Shkurt, 2024