Ministrja e Arsimit, Shkencës, Teknologjisë dhe Inovacionit, Arbërie Nagavci është duke zhvilluar një vizitë zyrtare në Bruksel, me ç’rast është pritur në takim nga presidenti i Regjistrit Evropian për Sigurim e Cilësisë në arsimin e lartë (EQAR), Karl Dittrich, drejtoresha e EQAR, Magalie Soenen, si dhe drejtoresha e Asociacionit Evropian të Sigurimit të Cilësisë në Arsimin e Lartë (ENQA), Ana Gover.
Në këto takime pati diskutime konstruktive rreth zhvillimit, standardeve dhe udhëzimeve të cilësisë, si dhe bashkëpunimit në arsimin e lartë.
![](https://masht.rks-gov.net/wp-content/uploads/2023/06/352498375-633861605439876-1266982093373060527-n-1024x768.jpg)
Ministrja Nagavci ka prezantuar progresin e mirë që ka bërë Kosova, sa i përket sigurimit të cilësisë në arsimin e lartë, me theks të veçantë Ligjin e ri të Agjencisë së Kosovës për Akreditim.
Ndër të tjera, ministrja ka konfirmuar se ka një kohezion nacional për cilësinë në arsimin e lartë, ndërsa ka mirëpritur inkurajimin që të vazhdohet me të njëjtin ritëm të progresit, deri në anëtarësimin e plotë të AKA në EQAR.
Në këtë vizitë, ministrja Nagavci është duke u shoqëruar nga kryetari i Komisionit për Arsim, Ardian Gola, kryetarja e KShC-së, Hasnije Ilazi, drejtori i AKA, Naim Gashi dhe përfaqësues të Heras Plus.
![](https://masht.rks-gov.net/wp-content/uploads/2023/06/355125855-633861658773204-1741737969466699162-n-1024x768.jpg)
Last modified: 20 Qershor, 2023