Ministrja e Arsimit, Shkencës, Teknologjisë dhe Inovacionit, Arbërie Nagavci është duke qëndruar për vizitë zyrtare në Bruksel, ku po merrë pjesë në Samitin e Ballkanit Perëndimor.
Me këtë rast, mori pjesë në panelin e diskutimit me temë “Fuqizimi ekonomik i grave, një katalizator për rritjen e Ballkanit Perëndimor” ku ka theksuar rëndësinë e edukimit në arritjen akademike dhe fuqizimin e vajzave.
![](https://masht.rks-gov.net/wp-content/uploads/2023/12/408655975-734203028739066-2131622795267108161-n-1024x768.jpg)
Duke folur për rëndësinë e edukimit, ministrja Nagavci ka prezantuar politikat arsimore dhe mbështetjen që i ‘u është ofruar grave dhe vajzave gjatë kohës sa ajo është ministre e këtij dikasteri.
![](https://masht.rks-gov.net/wp-content/uploads/2023/12/408681973-734202955405740-55953503098398715-n-1024x768.jpg)
Ministrja Nagavci me këtë rast ka përmendur arsimin publik falas në arsimin e lartë, ndarjen e bursave për studime brenda dhe jashtë vendit, ndarjen e 4630 bursave STEM për tri vite, zgjerimin e infrastrukturës fizike, procesin e rishikimit të teksteve shkollore, etj. Ndër të tjera, ministrja Nagavci ka thënë se, fuqizimi i gruas vjen nga arsimi dhe puna, andaj prioritet i Qeverisë është fuqizimi i vajzave, grave dhe nënave të reja.
![](https://masht.rks-gov.net/wp-content/uploads/2023/12/408634596-734202918739077-6679989167797451789-n-1024x721.jpg)
Last modified: 8 Dhjetor, 2023