Ministrja e Arsimit, Shkencës, Teknologjisë dhe Inovacionit, Arbërie Nagavci dhe ajo e Drejtësisë, Albulena Haxhiu, të shoqëruara nga kryetari i Komunës së Kamenicës, Kadri Rrahimaj kanë qëndruar në shkollën “Xhavit Ahmeti” në Hodonoc të Kamenicës, ku kanë biseduar me nxënësit për vetëdijësimin ndaj dhunës në familje.
![](https://masht.rks-gov.net/wp-content/uploads/2022/12/316947571_502630598562978_1166431538164798506_n-1024x683.jpg)
Kjo vizitë është bërë në kuadër të aktiviteteve me të cilat po shënohet fushata “16 ditët e aktivizmit kundër dhunës në familje”.
Me këtë rast, ministrja Nagavci ka theksuar rolin e madh që kanë institucionet arsimore në edukimin e gjeneratave për luftimin e çdo padrejtësie që i bëhet secilit në familje, në shkollë apo kudo tjetër.
Ministrja Nagavci ftoi nxënësit që të raportojnë dhunën, ndërsa theksoi se asnjë formë e dhunës nuk duhet të tolerohet. Po ashtu foli për rolin e madh që ka përgatitja arsimore për të qenë të pavarur ekonomikisht, faktor ky që i bën më të fuqishëm edhe në jetë.
![](https://masht.rks-gov.net/wp-content/uploads/2022/12/317092914_502630638562974_5170970639224159291_n-1024x683.jpg)
Ministrja Nagavci ndër të tjera tha se, MAShTI ka një varg protokolesh e mekanizmash për mbrojtjen e fëmijëve, megjithatë theksoi se shkollat po ashtu kanë përgjegjësi për të ofruar ambiente të sigurta për fëmijët tanë.
Ndërsa, ministrja Haxhiu tha se çdo ditë e jona duhet të jetë ditë e angazhimit në luftimin e dhunës, dukuri kjo që po e rëndon shoqërinë tonë.
Last modified: 1 Dhjetor, 2022