Programi “Young Cell Scheme”, është një program bursash, i bashkëfinancuar nga Bashkimi Evropian dhe nga Qeveria e Kosovës, i menaxhuar nga Zyra e BE-së në Kosovë dhe i zbatuar nga Konsorciumi i Universitetit Aristotel të Selanikut dhe Instituti Kombëtar i Shërbimit Publik, Francë. E lansuar në vitin 2004, kjo skemë ofron një mundësi për studentët e rinj kosovarë nga drejtime të ndryshme për të studiuar në universitetet më të mira në Shtetet Anëtare të BE-së me qëllim për të tërhequr në mënyrë sistematike kandidatët e rinj për shërbimin civil për një periudhë prej tre vite radhazi, pas përfundimit me sukses të studimeve të tyre. Objektivi i përgjithshëm i YCS është forcimi i kapaciteteve profesionale të shërbimit civil në afat të gjatë për t’iu shërbyer më mirë qytetarëve të Kosovës dhe për të përmbushur detyrimet dhe kërkesat që rrjedhin nga procesi i integrimit të vendit në BE. Në përputhje me standardet më të mira të BE-së, programi i bursave YCS ndihmon Kosovën të gjenerojë një administratë publike të depolitizuar, profesionale, gjithëpërfshirëse dhe efektive, të aftë për të zbatuar legjislacionin e BE-së dhe ofron një politikë më të mirë të menaxhimit të karrierës. Mbështetja financiare përfshin kostot e plota të shkollimit, shpenzimet e jetesës, transportin për në vendin e studimit nga vendbanimi dhe kthimin, si dhe mbulimin e punës praktike në institucionet e Qeverisë së Kosovës.
Për më shumë informacione në lidhje me programin dhe aplikimin kliko në linkun në vazhdim: https://ycskosovo.org/index.php/en/
Last modified: 29 Gusht, 2025