Programi Fulbrightështë programi kryesor ndërkombëtar i shkëmbimit arsimor i sponsorizuar nga qeveria amerikane dhe është krijuar për të rritur mirëkuptimin e ndërsjellë midis njerëzve të Shteteve të Bashkuara dhe njerëzve të vendeve të tjera. Institucionet e Kosovës kanë qenë të përfshira në Programin Fulbright për shumë vite. Republika e Kosovës e ka zyrtarizuar këtë marrëdhënie me një Memorandum Mirëkuptimi (MOU) në vitin 2012, duke e përtërirë më vonë. Memorandumi i Mirëkuptimit ka rezultuar në një marrëdhënie të zgjeruar me programin Fulbright, të bashkëfinancuar nga Qeveria e Kosovës, i cili ka çuar në rritjen e mundësive për studentët dhe stafin akademik të Kosovës.
Memorandumi i fundit i Mirëkuptimit (MOU) ndërmjet Ministrisë së Arsimit, Shkencës, Teknologjisë dhe Inovacionit të Republikës së Kosovës (MASHTI) dhe Ambasada e SHBA-së në Kosovë: https://gzk.rks-gov.net/ActDetail.aspx?ActID=53749
Bordi i Shkëmbimit Arsimor- Shtetet e Bashkuara-Kosovë (USKEB) është një bord këshillues, i themeluar me qëllim të rritjes së mirëkuptimit të ndërsjellë dhe avancimit të marrëdhënieve midis popullit të Shteteve të Bashkuara dhe Kosovës përmes programeve të shkëmbimit arsimor. USKEB, u formua për të këshilluar dhe ndihmuar në prioritizimin e burimeve dhe përcaktimin e prioriteteve për programet e shkëmbimit arsimor Shtetet e Bashkuara-Kosovë, duke përfshirë programin Fulbright për Kosovën dhe mbështetet nga Zyra e Departamentit të Shtetit për Çështjet Arsimore dhe Kulturore (ECA) në SHBA, Ambasada e SHBA në Kosovë dhe Ministria e Arsimit, Shkencës, Teknologjisë dhe Inovacionit e Kosovës. USKEB zbatohet nga Këshilli Amerikan.
Për më shumë informacione në lidhje me programin dhe aplikimin kliko në linkun në vazhdim: https://www.uskeb.org/
Programi Fulbright për zhvillimin e stafit akademik
Qëllimi i programit është të prezentojë pjesëmarrësit me praktikat më të mira dhe qasjet teorike për zhvillimin e kurrikulës në SHBA dhe t’u ofrojë atyre strategji konkrete se si të zhvillojnë kurrikulën për një lëndë, duke përfshirë një pasqyrë të burimeve akademike dhe kërkimore.” Ky program mbështet stafin akademik që aktualisht jep mësim në Kosovë. “Ky program financohet bashkërisht nga Zyra e Departamentit të Shtetit SHBA dhe Qeveria e Kosovës.”
Për më shumë informacione në lidhje me programin dhe aplikimin kliko në linkun në vazhdim: https://xk.usembassy.gov/fulbright-faculty-development-program/
Programi Fulbright për studiues vizitues
The Fulbright Visiting Scholar Program, është një program post-doktoral për studiuesit e rinj dhe me përvojë, ligjërues universitarë dhe ekspertë nga institucionet akademike në Kosovë, të cilët dëshirojnë të zhvillojnë kërkime të avancuara dhe ligjërata universitare në Shtetet e Bashkuara. Kohëzgjatja e programit është nga tre deri në nëntë muaj. Ky program financohet bashkërisht nga Zyra e Departamentit të Shtetit SHBA dhe Qeveria e Kosovës.
Për më shumë informacione në lidhje me programin dhe aplikimin kliko në linkun në vazhdim: https://xk.usembassy.gov/education-culture/exchange-programs/fulbright-scholar-program/
Programi Fulbright për studentë të huaj
Programi Fulbright për studentë të huaj sjell studentë nga vende të tjera në Shtetet e Bashkuara për të studiuar në nivelin Master në universitetet amerikane. Ky program financohet bashkërisht nga Zyra e Departamentit të Shtetit te SHBA dhe Qeveria e Kosovës.
Për më shumë informacione në lidhje me programin dhe aplikimin kliko në linkun në vazhdim: https://xk.usembassy.gov/education-culture/exchange-programs/fulbright-foreign-student-program-masters-degree/
Programi Fulbright Specialist
Programi Fulbright Specialist (FSP) i lejon institucionet pritëse të Kosovës të sjellin studiues dhe profesionistë të kualifikuar amerikanë në Kosovë për dy deri në gjashtë javë për të përfunduar një projekt të caktuar. Ky është një program i përbashkët i Zyrës së Departamentit të Shtetit të SHBA dhe Qeverisë së Kosovës.
Për më shumë informacione në lidhje me programin dhe aplikimin kliko në linkun në vazhdim: https://xk.usembassy.gov/fulbright_specialist/
Last modified: 29 Gusht, 2025