Ministrja e Arsimit, Shkencës, Teknologjisë dhe Inovacionit, Arbërie Nagavci ka qëndruar për vizitë zyrtare në Mynih të Gjermanisë, ku ka takuar përfaqësues të Diasporës shkencore, në kuadër të Simpoziumin “Ndërtimi i një platforme për përkrahjen e bashkëpunimit dhe rrjetëzimit të Diasporës shkencore shqiptare”.
![](https://masht.rks-gov.net/wp-content/uploads/2023/11/405758190-901217258231444-5102026521023696990-n-768x1024.jpg)
Me këtë rast, ministrja Arbërie Nagavci ka bashkëbiseduar për përvojat dhe praktikat e suksesshme, potencialin e jashtëzakonshëm dhe mundësitë e shumta për bashkëpunim në arsim dhe shkencë.
Ministrja Nagavci ka prezantuar politikat arsimore për zhvillimin e vendit, ndër të cilat ka përmendur hapjen e mundësive për angazhimin e Diasporës shkencore në institucionet tona,
![](https://masht.rks-gov.net/wp-content/uploads/2023/11/405749456-901217298231440-6612228792966016895-n-1024x768.jpg)
rritjen e buxhetit në arsim, miratimin e Planit Kombëtar të Shkencës, krijimin e fondit për shkencë në kornizën afatmesme, lansimi i platformave KRIS dhe KREM dhe antarësimin e Kosovës me të drejta të plota në Horizon.
Gjatë qëndrimit dyditor në Gjermani, ministrja Nagavci ka takuar edhe përfaqësuesit e Shoqatës “Fondacioni Besa” të cilët janë duke mbështetur Ministrinë në zbatimin e mësimit dual.
![](https://masht.rks-gov.net/wp-content/uploads/2023/11/406043679-901217301564773-2105162221733499383-n-1024x768.jpg)
Kryetari i Fondacionit, Ilir Seferi edhe njëherë ka shprehur gatishmërinë për të ofruar mbështetje për vendin tonë.
Në vazhdën e takimeve zyrtare, ministrja Nagavci është takuar edhe me përfaqësues të LAPSHI-t, prindër e mësimdhënës, me të cilët ka bashkëbiseduar për punën e tyre, sfidat me të cilat ballafaqohen dhe rëndësinë e integrimit të fëmijëve në mësimin shqip.
![](https://masht.rks-gov.net/wp-content/uploads/2023/11/405772895-901691581517345-4210876849907722084-n-1024x768.jpg)
Last modified: 27 Nëntor, 2023