Me qëllim të sqarimit të opinionit publik rreth deklaratës së autorit të emisionit në fjalë, ku në një rast thekson se “në këtë emision ka qenë i ftuar edhe ministri i Arsimit, Shkencës dhe Teknologjisë, z. Shyqiri Bytyqi, por ai pa asnjë paralajmërim nuk erdhi në emisionin ARKIVI, duke treguar kështu papërgjegjshmërinë e tij dhe të kabinetit, njëherë duke e konfirmuar, e pastaj duke mos paralajmëruar fare për mosprezencë”.
Ministria e Arsimit, Shkencës dhe Teknologjisë, sqaron se është e vërtetë që ne fillimisht e kemi konfirmuar pjesëmarrjen e ministrit Bytyqi në emisionin ARKIVI, i planifikuar të xhirohet më 28 nëntor 2018, mirëpo është plotësisht e pavërtetë se nuk e kemi njoftuar për mospjesëmarrje në këtë emision.
Për korrektësi në raport me opinionin publik, ju sqarojmë se, më datë 27 nëntor 2018, udhëheqësja e Divizionit për Komunikim me Publikun në MAShT, znj. Besa Bytyçi, e ka telefonuar dhe i ka dërguar mesazh njoftues z. Xheladin Rexhepi, (personi të cilit edhe ia kemi konfirmuar fillimisht pjesëmarrjen, me numër telefoni 045145399), se ministri Bytyqi nesër e ka të pamundur me qenë në xhirimet e emisionit për arsye shëndetësore.
Me qëllim të ruajtjes, thellimit të bashkëpunimit dhe besueshmërisë, kërkojmë nga televizioni publik RTK, që ta publikojë këtë reagim dhe të largojë pjesën e deklaratës së lartëcekur nga të gjitha faqet elektronike të televizionit RTK.
Last modified: 10 Qershor, 2022
