19 Qershor 2019
Ministri i Arsimit, Shkencës dhe Teknologjisë, Shyqiri Bytyqi priti në takim kryetarin e Komitetit Olimpik të Kosovës, Besim Hasani, me të cilin diskutoi për çështje të rëndësishme të cilat ndërlidhen me sportistët elitarë, mundësinë e rregullimit të infrastrukturës ligjore për organizimin e provimeve klasore për këta sportist, ndarjen bursave, shfrytëzimin e konvikteve në rast të organizmit të garave me karakter ndërkombëtarë dhe gjetjen e mënyrave të cilat stimulojnë fëmijët që të merren me aktivitete sportive.
Ministri Bytyqi, pasi uroi kryetarin Hasani për sukseset dhe punën e sportistëve tanë brenda dhe jashtë vendit, shprehu gatishmërinë e tij për krijimin e mundësive ligjore për realizmin e këtyre kërkesave.
Ministri Bytyqi u shpreh se, aktivitet sportive e bëjnë shkollën ambient më tërheqës për fëmijët, prandaj tha se do të përkrahë këto kërkesa.
Ndërsa, kryetari Hasani falënderoi ministrin për gatishmërinë e tij për të bashkëpunuar sa i përket rregullimit të çështjeve të rëndësishme, të cilat ndërlidhen me sportistët elitarë.
Ministri Bytyqi dhe kryetari Hasani në fund të këtij takim u pajtuan që të nënshkruhet një Memorandum Mirëkuptimi për realizimin e këtyre kërkesave.
Last modified: 10 Nëntor, 2022
