Ministri i Arsimit, Shkencës dhe Teknologjisë, z. Arsim Bajrami ka pritur sot zëvendësministrin e sapo emëruar të Arsimit, z. Mevludin Krasniqi, i cili e ka pranuar sot detyrën pas emërimit të tij në këtë pozitë.
Ministri Bajrami i ka uruar mirëseardhje zv/ministrit Krasniqi me q’rast theksoi se përvoja e tij, do ta fuqizojë edhe më shumë MAShT-in në realizimin e politikave e planeve zhvillimore në të gjitha nivelet e arsimit.
Në anën tjetër, zv/ministri Krasniqi u shpreh se emërimi i tij në këtë detyrë është një sfidë e re e cila kërkon angazhim dhe punë të përkushtuar në realizimin e synimeve strategjike të MAShT.
Zv/ministri Krasniqi, është emëruar në këtë pozitë si kandidat nga radhët e PDK-së, në bazë të marrëveshjes paraprake të koalicionit qeverisës.
Last modified: 29 Gusht, 2022
