Ministri i Arsimit Shkencës dhe Teknologjisë z. Arsim Bajrami, mori pjesë në hapjen e ekspozitës “Privatësia e shkelur” e organizuar nga MAShT, në bashkëpunim me , Agjencinë Shtetërore për Mbrojtjen e të Dhënave Personale dhe Fakultetit të Artit Figurativ të Universitetit të Prishtinës .
Të gjitha pikturat janë realizuar nga 20 studentë të Fakultetit të Arteve të UP-së , me motivacion (temë) ngritjen e vetëdijes së qytetarëve, në përgjithësi lidhur me rëndësinë që ka privatësia,si e drejtë elementare e secilit.
Ministri Bajrami me këtë rast ka përgëzuar studentët për pikturat e realizuara me përkushtim dhe ndjeshmëri të hollë artistike, të cilat njëherësh paraqesin edhe talentin e tyre ndjenjën humane, njerëzore e kulturore .
“Ministria e Arsimit, do të mbështesë gjithmonë ekspozita të tilla që kanë karakter senzibilizues, që kanë mesazhe të qarta për nevojën e respektimit dhe ruajtjes së privatësisë , ruajtjen e integritetit dhe dinjitetit të secilit dhe kjo dëshmon edhe për përkushtimin tonë si Ministri për një edukim pozitiv të gjeneratave të reja”, tha ministri Bajrami.
Në vazhdim ministri Bajrami theksoi se “ këso lloj aktivitetesh padyshim krijojnë efektin edukativ, krijojnë nxënës, studentë e intelektual të përgatitur me edukim pozitiv, qytetar, që njohin mirë të drejtat e njeriut dhe respektojnë ato “.
Në fund iu ndanë mirënjohje 3 studentëve për realizim të suksesshëm të pikturave të cilat juria ka vlerësuar se janë realizuar në frymën e mesazhit që ka për qëllim dhe përcjell tema e ekspozitës “Privatësia e shkelur”.
Last modified: 26 Gusht, 2022
