“Erasmus+ është program i Bashkimit Evropian për të mbështetur arsimin, trajnimin, rininë dhe sportin në Evropë.” Erasmus+ mbështet një sërë programesh të ndryshme financimi, duke përfshirë bursa, mobilitete dhe trajnime për studentët si dhe mundësi mësimdhënieje dhe trajnimi për stafin akademik (Veprimi kyç 1). Për institucionet (Veprimi kyç 2), “projektet e ngritjes së kapaciteteve në fushën e arsimit të lartë janë projekte të bashkëpunimit ndërkombëtar, të bazuara në partneritete shumëpalëshe”. Disa nga këto programe janë theksuar më poshtë.
Për më shumë informacione në lidhje me programin dhe aplikimin kliko në linkun në vazhdim: https://erasmuspluskosovo.org/
Për studentë, Erasmus + ofron programin “International Credit Mobility” për studentët e nivelit Bachelor dhe Master për të studiuar jashtë vendit nga 3 deri në 12 muaj. Erasmus + ofron gjithashtu programin “Traineeships” (Punë praktike) për studentët të cilët dëshirojnë të fitojnë përvoja praktike jashtë vendit.
Për stafin, Erasmus+ ofron mundësi për mësimdhënie në një institucion arsimor jashtë vendit. Këto mundësi janë të disponueshme si për stafin që punon në sektorin e arsimit ashtu edhe për individët e bizneseve të ftuara për të ndarë njohuritë e tyre për një sektor, lëndë ose temë të caktuar me studentët. Mundësitë për të dhënë mësim jashtë vendit përmes programit Erasmus+ janë të disponueshme për institucionet arsimore që veprojnë në të gjitha nivelet. Mundësitë e trajnimit janë të disponueshme për stafin që punon në arsim, si për mësimdhënës dhe jo-mësimdhënës. Periudhat e trajnimit jashtë vendit mund të përbëhen nga periudha vëzhgimi në vendin e punës, kurse të zhvillimit profesional ose ngjarje specifike për ndërtimin e kompetencave. Erasmus+ mbështet trajnimin si në institucionet arsimore ashtu edhe në organizatat përkatëse që veprojnë jashtë këtij sektori. Mundësitë për të marrë pjesë në aktivitetet e zhvillimit profesional janë në dispozicion të stafit që punojnë në të gjitha nivelet e arsimit.”
Diplomë Master e Përbashkët Erasmus Mundus (EMJMD)
Diploma e Përbashkët Master “Erasmus Mundus” (EMJMD) është një program studimi ndërkombëtar prestigjioz, i integruar, i ofruar bashkërisht nga një konsorcium ndërkombëtar i institucioneve të arsimit të lartë. Studimi duhet të zhvillohet në të paktën dy nga vendet e programit. Përfundimi me sukses i programit të studimit do të çojë në dhënien e një diplome të përbashkët (dmth. një diplomë e vetme e lëshuar në emër të të paktën dy institucioneve të arsimit të lartë të konsorciumit EMJMD) ose diploma të shumëfishta (dmth. të paktën dy certifikata të lëshuara nga dy institucione të arsimit të lartë të konsorciumit). Bursa EMJMD, mbulon kostot e pjesëmarrjes së studentëve (duke përfshirë tarifat e shkollimit, mbulimin e plotë të sigurimit dhe çdo kosto tjetër të detyrueshme në lidhje me pjesëmarrjen e studentëve në nivelin Master); ajo përfaqëson një kontribut në kostot e udhëtimit dhe akomodimit të studentëve dhe përfshin një kompensim mujor për jetesën për të gjithë kohëzgjatjen e programit të studimit EMJMD.”
Për më shumë informacione në lidhje me programin dhe aplikimin kliko në linkun në vazhdim: https://erasmuspluskosovo.org/en/students/degree-mobility/open-calls/
Jean Monnet Veprimet
Veprimet Jean Monnet “mbështesin mësimdhënien, mësimin, kërkimin dhe debatet mbi aspekte të ndryshme të Bashkimit Evropian”. Qëllimi i këtyre programeve është “të mbështesë mësuesit në arsimin fillor, të mesëm dhe profesional për të informuar të rinjtë dhe për të zhvilluar ndërgjegjësimin kritik për Bashkimin Evropian, çfarë është ai, si funksionon dhe çfarë ndryshimi bën në jetën e tyre të përditshme. Këto veprime mbulojnë arsimin dhe trajnimin profesional (ISCED 1-4).”
Për më shumë informacione në lidhje me programin dhe aplikimin kliko në linkun në vazhdim:https://erasmuspluskosovo.org/en/organizations/higher-education-institutions/jean-monnet/how-to-apply/
Last modified: 29 Gusht, 2025