Koordinon dhe mbështet aktivitetet brenda ministrisë në lidhje me procesin e integrimit evropian, duke përfshirë edhe proceset e planifikimit të masave që ndërlidhen me çështjet e integrimit evropian në kapitujt ku Ministria bartë rolin e institucionit mbështetës;
Monitoron dhe raporton lidhur me zbatimin e obligimeve që dalin nga procesi i integrimit evropian;
Harton dhe monitoron zbatimin e Programit Kombëtar për Zbatimin e Marrëveshjes së Stabilizim Asociimit (PKZMSA) për kapitujt të acquis ku Ministria bartë rolin e institucionit mbështetës, siguron harmonizimin e tij me Kornizën Afatmesme të Shpenzimeve dhe dokumentet tjera strategjike, si dhe kujdeset që reformat legjislative të parapara në PKZMSA përfshihen në Programin Legjislativ të Qeverisë;
Ofron mbështetje në harmonizimin e legjislacionit dhe dokumenteve strategjike në fushën e arsimit me legjislacionin e BE-së;
Koordinon organizimin dhe mbarëvajtjen e takimeve të rregullta për procesin e integrimit evropian lidhur me çështjet në fushëveprimtarinë e Ministrisë;
Koordinon projektet zhvillimore të donatorëve të Ministrisë, në bashkëpunim me departamentet dhe divizionet përkatëse;
Koordinon organizimin dhe mbarëvajtjen e misioneve vlerësuese të mekanizmave të Bashkimit Evropian dhe organizatave tjera ndërkombëtare në sektorin e arsimit.
2. Raportimi
Udhëheqësi i Divizionit për Integrim Evropian raporton tek Drejtori i departamentit.
