Përfaqësues të MASh bënë shpërndarjen simbolike të Abetares për nxënësit shqiptarë në Mal të Zi

02 Tetor 2020

Shefi i Kabinetit të ministrit Likaj, Gëzim Berisha dhe u.d. Sekretari i Përgjithshëm i MASh, Agim Bërdyna, kanë vizituar një shkollë në Ulqin, ku kanë bërë shpërndarjen simbolike të Abetares për nxënësit shqiptarë.

Në emër të ministrit Ramë Likaj, shefi i Kabinetit të tij, i ka uruar nxënësit dhe mësimdhënësit shqiptarë në Mal të Zi për fillimin e vitit të ri shkollor.

Gjatë kësaj vizite, shefi i Kabinetit dhe u.d Sekretari janë takuar edhe me kryetarin e Këshillit Kombëtar Shqiptar, Faik Nika, me të cilin biseduan edhe për nevojat tjera të arsimit shqip në Mal të Zi.

Po ashtu, është biseduar edhe për thellimin e bashkëpunimit në të gjitha nivelet e arsimit, në mënyrë që nxënësve dhe studentëve shqiptarë që jetojnë atje, t’iu mundësohet arsimim sa më cilësor dhe t’iu jepen mundësi të reja të arsimimit në gjuhën shqipe.