24 Shtator 2020
Ministri i Arsimit dhe Shkencës, Ramë Likaj, priti sot në takim ambasadorin e Republikës së Hungarisë në Kosovë, József Bencze, me të cilin bisedoi për gjendjen aktuale në arsim.
Gjatë takimit, u vu theksi te vazhdimi i bashkëpunimit mes dy vendeve, veçanërisht te çështja e bursave dhe shkëmbimit të studentëve, fusha këto ku Kosova dhe Hungaria kanë pasur bashkëpunim të vazhdueshëm.
Ministri Likaj vlerësoi lart mbështetjen që Hungaria i ka dhënë Kosovës, ndërkaq theksoi nevojën e thellimit të bashkëpunimit mes dy vendeve në fushën e arsimit.
Ndërsa, ambasadori i Republikës së Hungarisë, Brencze shprehu gatishmërinë e Qeverisë hungareze për të vazhduar mbështetjen për Kosovën në fushën e arsimit.
Last modified: 8 Qershor, 2022
