Ministrja në detyrë e Arsimit, Shkencës, Teknologjisë dhe Inovacionit, Arbërie Nagavci mori pjesë në ceremoninë e ndarjes së 13 shpërblimeve për studentët përfitues të Thirrjes së hapur për projekte kreative dhe inovative në fushat STEM, e cila synon nxitjen e inovacionit dhe zgjidhjeve të aplikueshme për sfida shoqërore dhe mjedisore.

Me këtë rast, Ministrja Nagavci uroi studentët përfitues të projekteve për suksesin e arritur dhe theksoi se mbështetja e tyre në fushat STEM është investim në të ardhmen e vendit, duke vlerësuar idetë inovative, punën ekipore dhe përfshirjen e barabartë të vajzave dhe djemve, si dhe duke inkurajuar zhvillimin e projekteve të realizueshme që adresojnë nevoja reale të shoqërisë.

Thirrja ka qenë e hapur për studentët Bachelor nga fakultetet e Shkencës, Teknologjisë, Inxhinierisë, Matematikës dhe Arkitekturës në universitetet publike dhe kolegjet private në Kosovë, në periudhën 08.10.2025 – 05.11.2025.

Shpërblimet janë ndarë si vijon:

Fusha e Arkitekturës:

Vendi i parë – 1,000 €

Universiteti i Prishtinës, Fakulteti i Arkitekturës me projektin “Biblioteka inovative”

Vendi i dytë – 750 €

Universiteti i Prishtinës, Fakulteti i Arkitekturës me projektin “Prishtina e heshtur”

Vendi i tretë – 500 €

Kolegji UBT, Fakulteti i Arkitekturës me projektin “Qendra kulturore dhe kreative me funksione mikse”.

Fusha e Inxhinierisë

Vendi i parë – 1,000 €

Universiteti i Prishtinës, Fakulteti i inxhinierisë, Elektrike dhe Kompjuterike me projektin “VitaNet”

Vendi i dytë – 750 €

Universiteti i Prishtinës, FIEK dhe FSHKI me projektin “Digë e Automatizuar”

Vendi i tretë – 500 €

RIT Kosovo, Fakulteti i Shkencës Kompjuterike me projektin “Air Quality Kosovo”

Fusha Matematikë e aplikuar

Vendi i parë – 1,000 €

Universiteti i Prishtinës, Fakulteti i Shkencave Matematike dhe Natyrore me projektin “RuajMençur”

Vendi i dytë – 750 €

Universiteti i Prishtinës, Fakulteti i Inxhinierisë, Elektrike dhe Kompjuterike me projektin “A World Away”

Fusha Shkencë

Vendi i parë – 1,000 €

Universteti i Prishtinës, Fakulteti i Shkencave Matematike dhe Natyrore me projektin “Biofilter-Ekopanel”

Vendi i dytë – 750 €

Universiteti i Mitrovicës, Fakulteti i Gjeoshkencave me projektin “Riciklimi në ekonominë qarkore dhe ndikim social”

Fusha Teknologji

Vendi i parë – 1,000 €

RIT Kosovo, Computing & Information Technologies me projektin “STEM Link”

Vendi i dytë – 750 €

Universiteti i Mitrovicës me projektin “Ndihmo tjetrin”

Vendi i tretë – 500 €

Universiteti i Mitrovicës me projektin “CodePathX”.