Propozon, harton, zhvillon dhe monitoron zbatimin e kurrikulave për edukimin në fëmijërinë e hershme, klasën parafillore, nivelin e arsimit fillor (klasat 1-5), nivelin e mesëm të ulët (klasat 6-9), ciklin e mesëm të lartë të arsimit të përgjithshëm (klasat 10-12).
Përgatit materiale profesionale dhe didaktike për edukatorë dhe mësimdhënës për zbatimin e kurrikulave në të gjitha nivelet e arsimit parauniversitar.
Zhvillon politika dhe standarde të detyrueshme për përgatitjen e programeve për mësimin e gjuhës dhe kulturës shqipe në mërgatë dhe diasporë.
Zhvillon dhe mbikëqyr zbatimin e standardeve për tekstet shkollore dhe materiale mësimore.
Udhëheq, mbikëqyr dhe koordinon grupet profesionale për hartimin dhe vlerësimin e teksteve dhe materialeve mësimore.
Harton programe të veçanta me të cilat propozon masa që avancojnë proceset e zhvillimit profesional dhe licencim të personelit arsimor për çështjet e ndërlidhura me zhvillimin e vazhdueshëm profesional të bazuar në prioritetet dhe kërkesat për zbatimin e kurrikulës.
Udhëheqësi i Divizionit për Kurrikula dhe Tekste Shkollore raporton tek drejtori i departamentit.
Numri i të punësuarve në Divizionin për Kurrikula dhe Tekste Shkollore është tetë (8).
