MASHT

Telegram ngushëllimi

3 Tetor, 2011

I nderuari kryetar Mustafa,

Me dhimbje të thellë morëm lajmin për vrasjen e bashkëpunëtorit Tuaj dhe tonin, Remzi Salihu, drejtor i Drejtorisë Komunale të Arsimit në Komunën e Prishtinës.

Z. Salihu nuk ishte vetëm bashkëpunëtor i Juaji për zbatimin e politikave në arsim! 
Ai ishte një bashkëpunëtor i devotshëm në të gjitha proceset madhore, që janë zhvilluar dhe po vazhdojnë në drejtim të reformimit të sistemit arsimor në Republikën e Kosovës.

Si i tillë, ai do të mbahet mend për virtytet e tij njerëzore, për angazhimin profesional, për palodhshmërinë dhe ndershmërinë në punë. 
Remzi Salihu do të mbahet mend si një njeri që tërë jetën e vet ia kushtoi arsimit!

Prandaj, ju lutem të pranoni ngushëllimet më të sinqerta në emrin tim personal dhe të Ministrisë së Arsimit, Shkencës dhe Teknologjisë.

Prof.Dr. Ramë Buja 
Ministër i Arsimit, Shkencës dhe Teknologjisë

Last modified: 29 Gusht, 2022

Comments are closed.