MASHT

MINISTRI BYTYQI PRITI NË TAKIM DREJTORESHËN E KORPUSIT TË PAQES NË KOSOVË

9 Korrik, 2019

Ministri i Arsimit, Shkencës dhe Teknologjisë, Shyqiri Bytyqi ka pritur sot në takim drejtoreshën e Korpusit të Paqes në Kosovë, Darlene Grant. Gjatë takimit është biseduar për aktivitet e Korpusit të Paqes në Kosovë, në fushën e arsimit, por edhe për mundësitë e vazhdimit të bashkëpunimit në të ardhmen.

Ministri Bytyqi, ka falënderuar znj. Grant për përkrahjen e madhe që Korpusi i Paqes ka ofruar për sistemin arsimor, përmes angazhimit të rreth 70 vullnetarëve, në zona të ndryshme të Kosovës, të cilët kanë përcjellë përvojat e tyre te mësimdhënësit tanë, përmes një programi të trajnimit, i cili është i akredituar nga MAShT.

“Dua që ju falënderoj jo vetëm ju, por çdo vullnetarë veç e veç sepse ata meritojnë lëvdate për kontributin e tyre. Ne kemi traditë në punët vullnetare, por ju e keni shtuar edhe më shumë këtë vlerë përmes programit tuaj. Ne e kemi promovuar programin tuaj ku do ku na është dhënë rasti dhe jemi shumë të kënaqur me këtë bashkëpunim të ngushtë”, është shprehur ministri Bytyqi.

Drejtoresha e Korpusit të Paqes në Kosovë, Darlene Grant, ka folur për aktivitetet e vullnetarëve dhe përvojën e mirë të tyre në Kosovë, duke theksuar mbështetjen e madhe të Ministrisë së Arsimit, për të cilën ka thënë se vlerësohet shumë nga Zyra e Korpusit të Paqes në Uashington.

Drejtoresha Grant ka ndarë edhe një certifikatë falënderimi për ministrin Bytyqi, në shenjë bashkëpunimi të mirë.

Last modified: 9 Qershor, 2022

Comments are closed.