Departamenti i Arsimit të lartë

Detyra primare të DAL janë planifikimi dhe mbikëqyrja e zhvillimit të sistemit të arsimit të lartë. Për këtë qëllim DAL zhvillon plane e dokumente të politikave, standardeve e të procedurave të cilat ofrojnë zgjidhje sistemore të sfidave me të cilat ballafaqohet sistemi i arsimit të lartë.

Në punën e vet DAL bazohet në ligjin e arsimit të lartë (2003) dhë në Stategjinë e Arsimit të lartë ( 2005-2015) si dhe në dokumente të tjera relevante ligjore e nënligjore si statutet e institucioneve të bartësve privat e publik të arsimit të lartë, në udhëzime të ndryshme administrativ, rregullore etj. 
DAL po ashtu kryen edhe funksione të tjera në shkallë kombëtare si:

 

• Themelimi i Agjencive dhe qendrave, këshillave të ndryshme arsimore në shkallë vendi
• Politika të reja për përmbushjen e obligimeve që dalin nga Procesi i Bolonjës
• Zhvillimi i zbatimit të programeve të bashkëpunimit me vende të tjera;
• Njohja (nostrifikimi) i dokumenteve të fituara nga studime jashtë vendit (Komisioni i MASHT për Njohjen e Diplomave të fituara jashtë vendit);
• Verifikimi idokumentacionit të shtetasve tanë që duan të studjojnë jashtë vendit;
• Mbështet punën e organizatave të ndryshme studentore të qytetarëve tanë brenda dhe jashtë vendit etj;

Që nga viti 2004, në punën e vet DAL mbështetet në ekspertizën e Këshillit të Ekspertëve të Arsimit të Lartë, i cili përbëhet nga njohësit më të mirë të sistemit të arsimit të lartë në Kosovë. Ky këshill deri më tani ka këshilluar dhe ndihmuar në hartimin e Strategjisë së Arsimit të Lartë në Kosovë, në hartimin e Statutit të Universitetit të Prishtinës, në organizmin e konferencave ndërkombëtare, në ngritjen e vetëdijes për rëndësinë e arsimit në shoqëri, e të tjera.

Koordinimi dhe projektet

 

Është konsoliduar plotësisht zyra e TEMPUS-it dhe janë përgatitur 15 projekte në harmoni të plotë me piroritetet strategjike të MASHT. Një numër i tyre është miratuar dhe ka filluar zbatimi i tyre. Po ashtu kanë vazhduar programet e bashkëpunimit për programet TEMPUS, Erasmus Mundus, IPA të miratuara më herët dhe programet e tjera mbështetëse për arsimin e lartë në Kosovë, si:

 

• Projekti multidimensional në mes të Austrisë dhe Kosovës 
  http://www.aei-austria-kosovo.com
• Programi Finlandez për studime pasdiplomike në mbështetje të Fakultetit të Edukimit 
  www.formin.fi
• Programi norvegjez për themelimin e Institutit të Gazetarisë (1.5 milion euro 2005 - 2006);
• Bashkëpunimi me zyrën amerikane në mbështetjen e UP

Prioritetet aktuale:

 

• Funksionalizimi i plotë i Agjencisë së Akreditimit të Kosovës;www.akreditimi.org
• Funksionalizimi i Plote i Qendrës për bashkëpunim ndërkombëtar në AL dhe Shkencë dhe Teknologji (QBNASHT-KCIRT)
  http://www.aei-austria-kosovo.com
• Funsksionalizimi i plote i Qendrës për njohje dhe nostrifikim
  http://www.aei-austria-kosovo.com
• Implementimi i Strategjisë së Arsimit të Lartë 2005 - 2015
• Hartimi dhe miratimi i udhëzimeve administrative për operacionalizimin e ligjeve të arsimit të lartë 
• Vendosja e kritereve dhe dispozitave për financimin e arsimit të lartë dhe hartimi i ligjit për financimin e arsimit të lartë;
• Konsolidimi i sektorit privat të arsimit të lartë e të tjera.
  
   

Divizioni për zhvillimin dhe cilësi në arsimin e lartë

Divizioni për njohje dhe barasvlerë

Divizioni për bashkëpunim ndërkombëtar në arsim të lartë dhe shkencë