Propozon, harton dhe siguron zbatimin e dokumenteve të politikave/strategjive për arsim të të gjitha komuniteteve.
Identifikon dhe adreson nevojat për arsim të përfaqësuesve të të gjitha komuniteteve në zonat që ata janë pakicë.
Përkujdeset që në kuadër të kurrikulave dhe teksteve shkollore, të merren parasysh dhe të integrohen të drejtat për të gjithë nxënësit e komuniteteve.
Propozon dhe kontribuon në ngritjen e standardeve për arsimim të komuniteteve, veçanërisht të romëve, ashkalinjve dhe egjiptianëve.
Koordinon aktivitetet për çështjet e edukimit në fëmijërinë e hershme, zhvillimin profesional të mësimdhënësve si dhe çështjet tjera specifike që lidhen me komunitetet.
Zhvillon politika dhe mbështetë zbatimin e aktiviteteve për rritjen e pjesëmarrjes në arsim të komuniteteve.
Udhëheqësi i Divizionit për Arsimin e Komuniteteve raporton tek udhëheqësi i departamentit.
Numri i të punësuarve në Divizionin për Arsimin e Komuniteteve është pesë (5).
