MASHT

MINISTRI BYTYQI PRITI PËRFAQËSUESIT E UNIONIT TË STUDENTËVE TË KOSOVËS

26 Dhjetor, 2018

Ministri i Arsimit, Shkencës dhe Teknologjisë, Shyqiri Bytyqi, priti në takim përfaqësuesit e Unionit të Studentëve të Kosovës (USK), me të cilët bisedoi rreth angazhimeve dhe sukseseve të studentëve, nevojës për mbështetje financiare të aktiviteteve të kësaj organizate studentore, në përpjekjet për anëtarësim në Unionin Evropian të Studentëve.

Ministri Bytyqi u shpreh se, sukseset e studentëve tanë me rastin e pjesëmarrjes në gara të ndryshme ndërkombëtare, na gëzojnë dhe janë dëshmi se kemi studentë të shkëlqyeshëm, të cilët meritojnë përkrahjen tonë.

Ministri Bytyqi gjithashtu tha se, mbështetë çdo iniciativë pozitive të studentëve, apo organizatave studentore, në funksion të rritjes së cilësisë  dhe depolitizimit, ndërsa theksoi se me Udhëzim Administrativ, i cili është në proces të hartimit, në vitin 2019 do të kemi kodin e veçantë buxhetor për financimin e aktiviteteve të USK-s dhe organizatave tjera studentore.

Last modified: 10 Qershor, 2022

Comments are closed.