Telegram ngushëllimi

12 Shtator 2018

Me pikëllim të thellë morëm lajmin për ndarjen nga jeta të djalit tuaj, nxënësit tonë të shkollës së mesme profesionale në Kaçanik, Shaban Burrniku.

Shabani ishte një i ri që po e priste shkolla e universiteti, që po e priste e ardhmja. Por, për fat të keq ai u nda nga jeta në moshën 17 vjeçare, për t’iu lënë juve dhembjen dhe kujtimet, e Kaçanikun dhe Kosovën pa një djalë të mirë e energjik.

Tragjedi si kjo, na lënë dhembje e kujtime përgjithmonë! Prandaj, ju lutem që në emër të Ministrisë së Arsimit, Shkencës dhe Teknologjisë dhe në emër timin, t’i pranoni ngushëllimet më të sinqerta.

Shabani u prehtë në paqe!