Ministria e Arsimit, Shkencës dhe Teknologjisë (MAShT), shprehë indinjatë të thellë për vrasjen e Remzi Salihut, drejtor i Drejtorisë Komunale për Arsim në Komunën e Prishtinës.
Lajmi për vrasjen e punëtorit të devotshëm të arsimit, Remzi Salihu, ka tronditur tej mase opinionin e gjerë, e në veçanti Ministrinë e Arsimit dhe të gjithë punonjësit arsimorë të vendit.
MASHT dënon ashpër këtë akt kriminal në vendin e punës, ku i ndjeri po kryente detyrat me përgjegjësi të lartë profesionale, angazhim, devotshmëri, përkushtim dhe ndershmëri.
Vrasja e drejtorit të Arsimit të Prishtinës është sulm ndaj institucioneve të Republikës së Kosovës.
MASHT kërkon nga organet e rendit dhe të drejtësisë, që të marrin masat e nevojshme për zbardhjen e rastit dhe dorasi të marrë dënimin e merituar.
Me këtë rast, Ministria e Arsimit, Shkencës dhe Teknologjisë ngushëllon Familjen Salihu, Kryetarin e Komunës, z.Isa Mustafa, drejtorët komunalë të Arsimit, drejtorët e shkollave, mësimdhënësit, nxënësit dhe prindërit, si dhe të gjithë qytetarët e Kosovë!
Last modified: 29 Gusht, 2022
