MASHT

Ministri Bytyqi takoi Këshillin Drejtues të Autoritetit Kombëtar të Kualifikimeve

30 Mars, 2018

Ministri i Arsimit, Shkencës dhe Teknologjisë, Shyqiri Bytyqi, ka pritur sot në takim Këshillin Drejtues të Autoritetit Kombëtar të Kualifikimeve (AKK), të udhëhequr nga kryetari i Këshillit, Bedri Xhafa.

Gjatë këtij takimi, ministri Bytyqi është informuar rreth punës dhe aktiviteteve që po bën AKK-ja, ku kryetari Xhafa njoftoi se Autoriteti është duke punuar konform planit që kanë, ndërsa theksoi se është shënuar progres në shumë fusha, si në miratimin e standardeve dhe profesionit, dhe në akreditimin e institucioneve që kanë aplikuar.

Ministri Bytyqi tha se ditëve në vazhdim do të angazhohemi me të gjithë akterët relevantë në mënyrë që të përgatitemi për raportimin që është planifikuar të bëhet në fund të vitit.

Ministri Bytyqi ka shprehur vullnetin e tij dhe të MAShT për të mbështetur punën e Autoritetit Kombëtar të Kualifikimeve.

Last modified: 24 Gusht, 2022

Comments are closed.