Ministri i Arsimit, Shkencës dhe Teknologjisë (MASHT), z. Ramë Buja, dhe shefi i ri i Komisionit Evropian në Kosovë, z.Christof Stock, gjatë takimit të cilin e kanë zhvilluar sot, janë pajtuar që në të ardhmen bashkëpunimi ndër-institucional të jetë më i intensifikuar dhe më i dendur.
Ministri Buja pasi ka shprehur falënderimin e tij për ndihmën që Komisioni Evropian në vazhdimësi i ka ofruar Ministrisë së Arsimit, ka theksuar se shefi i ri i KE-së po ashtu ka treguar gatishmërinë për të vazhduar përkrahjen për sektorin e arsimit.
Ministri i Arsimit ka potencuar se ndihma e Komisionit Evropian ka qenë e fokusuar te mundësia e digjitalizmit të shkollave, ngritja e kapaciteteve në shkollat profesionale, ndërkaq ka shtuar se me rastin e finalizmit të projektbuxhetit për vitin 2012 do të përcaktohen projektet prioritare, të cilat duhet të zbatohen.
Shefi i ri Komisionit Evropian në Kosovë, z.Christof Stock, nga ana e tij, ka vlerësuar se arsim është një sektor i rëndësishëm i bashkëpunimit ndërmjet Komisionit Evropian dhe MASHT-it, pasi rinia e Kosovës është ndër pasuritë më të mëdha të Kosovës.
Last modified: 29 Gusht, 2022
