MASHT

Ministri Bajrami vizitoi mësimdhënësit e komunës së Prishtinës gjatë trajnimit për zbatim të Kurrikulës së re

13 Prill, 2017

Ministri i Arsimit , Shkencës dhe Teknologjisë z. Arsim Bajrami dhe drejtoresha e DKA-së së Prishtinës znj .Arbërie Nagavci , vizituan shkollën “Dardania “ , të Prishtinës ku po trajnohen mësimdhënësit e Komunës së Prishtinës për zbatim të Kurrikulës së re .

MAShT-i ,  këto ditë  ka organizuar trajnime për rreth 9000 mësimdhënës nga të gjitha shkollat e Kosovës për nivelin parafillor dhe klasat :1 ,6, e 10 të , për zbatim të suksesshëm të kurrikulës i cili do të filloi në vitin e ri shkollor 2017/18.

Ky është një proces shumë i rëndësishëm për ndërrimin e gjendjes në sistemin tonë arsimorë, përmes kësaj kurrikule, në synojmë që të ngrisim cilësinë në arsim përmes mësimdhënies moderne, theksoi ministri Bajrami.

“Kurrikula e re bazohet në kompetenca , ndërron tërësisht qasjen në shkolla, ndërron programet tona nga ato teorike  në programe praktike dhe aftëson nxënësit  me kompetenca dhe shkathtësi të duhura” tha ministri Bajrami .



Në vazhdim, ministri Bajrami tha se më vjen mirë që tashmë nxënësit dhe mësimdhënësit tanë e kanë pranuar mirë këtë kurrikulë , janë përgatitur për këtë sfidë të re, si një mundësi e mirë për përmirësimin e sistemit arsimor dhe se kurrikula  është shumë dimensionale  dhe komplekse që nënkupton edhe tekste  të reja shkollore dhe metodologji të reja të mësimdhënies është shprehur ministri Bajrami.

Duke uruar për sukses në punën e tyre të shenjtë të mësimdhënies, ministri Bajrami tha se ju jeni patriot të shekullit të ri dhe se nga përkushtimi i juaj profesional, në masë të madhe varet edhe suksesi i ndryshimeve pozitive të cilësisë  në arsim  që po synojmë të gjithë së bashku .

Last modified: 26 Gusht, 2022

Comments are closed.